ისრაელი და „ჰამასი“ ორშაბათს ეგვიპტეში აშშ-ის პრეზიდენტ დონალდ ტრამპის სამშვიდობო გეგმასთან დაკავშირებით მოლაპარაკებებს გამართავენ. ინფორმაციას Bloomberg ავრცელებს.
ეგვიპტემ, რომელიც ცეცხლის შეწყვეტის შესახებ მოლაპარაკებებში მთავარმა შუამავალია, განაცხადა, რომ უმასპინძლებს ორივე მხარის დელეგაციებს, რათა განიხილონ ისრაელელი მძევლების გაცვლა პალესტინელ პატიმრებრებზე.
აშშ-ის სპეციალური წარმომადგენელი სტივ უიტკოფი და ტრამპის სიძე ჯარედ კუშნერი „ჰამასის“ თხოვნით, ასევე ეწვივნენ ეგვიპტეს, რათა მონაწილეობა მიიღონ მოლაპარაკებებში.
ისრაელის ოფიციალურმა წარმომადგენელმა განაცხადა, რომ სამხედროებმა თავდაცვითი პოზიცია დაიკავეს ღაზაში, ხოლო „ჰამასი“ აცხადებს, რომ ანკლავში საჰაერო დარტყმები და დაბომბვები გრძელდება, რასაც ათობით ადამიანის სიცოცხლე ემსხვერპლა.
გავრცელებული ცნობით, ეგვიპტეში დისკუსიები მძევლების გათავისუფლების ვადებთან და გასათავისუფლებელი პალესტინელი პატიმრების სიასთან დაკავშირებით საბოლოო შეთანხმებებზე იქნება ორიენტირებული.
4 ოქტომბერს აშშ-ის პრეზიდენტმა დონალდ ტრამპმა განაცხადა, რომ ისრაელი დათანხმდა საწყის ხაზთან ძალების გაყვანას ახლა „ჰამასის“ დადასტურებას ელოდებიან.
