მანჩესტერში, სინაგოგასთან მომხდარი თავდასხმის საქმეზე ექვსი ადამიანი დააკავეს. ამის შესახებ SkyNews მანჩესტერის პოლიციაზე დაყრდნობით წერს.
მანჩესტერის სინაგოგასთან ებრაულ დღესასწაულზე მომხდარი თავდასხმის შემდეგ, ტერორისტულ აქტებში მონაწილეობის, მომზადების ან წაქეზების ბრალდებით ექვსი ადამიანი დააკავეს.
პოლიციაში განაცხადეს, რომ გამოძიება გრძელდება.
თავდასხმა, რომელსაც ორი ადამიანი ემსხვერპლა, 2 ოქტომბერს დილით მანჩესტერში, სინაგოგასთან ახლოს მოხდა. თავდასმსხმელი მანქანით სინაგოგის წინ ადამიანთა ჯგუფს შეეჯახა, შემდეგ კი მათ დანით თავს დაესხა. თავდამსხმელი დაკავებისას დაიღუპა.
გავრცელებული ინფორმაციით, ის სირიის მოქალაქე იყო, რომელიც დიდ ბრიტანეთში 20 წელზე მეტი ხნის წინ ჩავიდა.
