ვლადიმირ პუტინმა აშშ-ის პრეზიდენტ დონალდ ტრამპს მოატყუა, რომ რუსეთი ერთ თვეში პოკროვსკს დაიკავებდა, ხოლო აღმოსავლეთ უკრაინის თითქმის მთელ ტერიტორიას - ორ თვეში, - ამისშესახებ უკრაინის პრეზიდენტმა ვოლოდიმირ ზელენსკიმ განაცხადა.
ზელენსკის თქმით, ასეთი ნარატივები უნდა განადგურდეს, რასაც უკრაინელი სამხედროები და დიპლომატები აკეთებენ.
„(...) პუტინმა ტრამპს და მის გუნდს ცრუ ინფორმაცია მიაწოდა, რომ ისინი ჩვენს ტერიტორიას იკავებდნენ, რომ ისინი ჩვენს ოკუპაციას ახდენდნენ, რომ ერთ თვეში ისინი პოკროვსკში იქნებოდნენ, ორ თვეში კი თითქმის მთელ აღმოსავლეთ უკრაინას დაიკავებდნენ და შემდეგ ხარკოვში, დნიპროსა და შემდეგ კიევისკენ გადაინაცვლებდნენ“, - განაცხადა ზელენსკიმ კოპენჰაგენში დანიის პრემიერ-მინისტრ მეტე ფრედერიქსენთან ერთად გამართულ პრესკონფერენციაზე.
მისი თქმით, რუსებმა რამდენიმე რუკა და ძალიან უცნაური დიაგრამა აჩვენეს.
„ბევრი რამ მინახავს. და ყველა ეს ნარატივი უნდა განადგურდეს. და ზუსტად ამას აკეთებენ ჩვენი სამხედროები და ზუსტად ამას აკეთებს ჩვენი დიპლომატიური გუნდი“, - დასძინა ზელენსკიმ.
