უკრაინული მედიის ცნობით, პოლონეთში დააკავეს უკრაინის მოქალაქე, რომელსაც გერმანია რუსული გაზსადენების „ჩრდილოეთის ნაკადი 1“-ისა და „ჩრდილოეთის ნაკადი 2“-ის აფეთქებაში ადანაშაულებს.
კაცი, რომელიც გერმანიის სასამართლოს მიერ გაცემული დაპატიმრების ორდერის საფუძველზე იძებნებოდა, პრუშკოვში დააკავეს.
უკრაინის მოქალაქე ამჟამად ვარშავის რაიონულ პროკურატურაში იმყოფება და ექსტრადიციის პროცესის დაწყების მოლოდინშია.
ცნობისათვის, ბალტიის ზღვაში გაზსადენებზე - „ჩრდილოეთის ნაკადსა“ და „ჩრდილოეთის ნაკადი 2“-ზე - აფეთქებები 2022 წლის სექტემბრის ბოლოს მოხდა. აფეთქებაზე პასუხისმგებლობა არავის აუღია.
