უნგრეთის საგარეო საქმეთა მინისტრმა, პიტერ სიიარტომ, განაცხადა, რომ უახლოეს დღეებში ბუდაპეშტში უკრაინელ კოლეგასთან, ანდრიი სიბიჰასთან, მოლაპარაკებებს გამართავს. ამის შესახებ ის Х-ზე წერს.
სიიარტოს თქმით, უკრაინის საგარეო საქმეთა მინისტრთან შეხვედრაზე, რომელიც „მიმდინარე კვირაში“ ბუდაპეშტში გაიმართება, მხარეები უკრაინა-უნგრეთის ურთიერთობებს განიხილავენ.
„ჩვენ გვჯერა დიალოგის და ყოველთვის მზად ვართ მოლაპარაკებებისთვის. მაგრამ ბურთი უკრაინის მოედანზეა: რეალური პროგრესი მხოლოდ იმ შემთხვევაშია შესაძლებელი, თუ ზაკარპატიეში უნგრელებისთვის ჩამორთმეული უფლებები სრულად აღდგება“, - დასძინა უნგრეთის მინისტრმა.
