საპროცესო შეთანხმების გაფორმების შემთხვევაში პირს კანონით გათვალისწინებული უფლების ჩამორთმევის ვადა უმცირდება, განსაკუთრებულ შემთხვევაში კი უფლებების ჩამორთმევისგან სრულად თავისუფლდება. აღნიშნულთან დაკავშირებით ცვლილება შედის "ნარკოტიკული დანაშაულის წინააღმდეგ ბრძოლის შესახებ" კანონში.
კანონპროექტის თანახმად, იმ შემთხვევაში, თუ მხარეთა შორის დადებულია საპროცესო შეთანხმება, შესაძლებელი იქნება ამავე კანონოთ გათვალისწინებული უფლებების ჩამორთმევის ვადის შემცირება, ან განსაკუთრებულ შემთხვევაში უფლებების ჩამორთმევისგან სრული განთავისუფლება.
თუ პირისთვის დანიშნული გამოსაცდელი ვადის ხანგძლივობა უფლებების ჩამორთმევის ვადის ხანგძლივობას აღემატება, ჩამორთმეული უფლებები გამოსაცდელი ვადის გასვლის შემდეგ აღდგება, გარდა იმ შემთხვევისა, როდესაც მხარეებს შორის დადებულია საპროცესო შეთანხმება და მიღებულია გადაწვეტილება შესაბამისი უფლებების ჩამორთმევის ვადის შემცირების შესახებ.
კანონპროექტს ავტორების განმარტებით, აღნიშნული საკანონმდებლო ინიციატივის მიზანია ქმედითი და ეფექტური მართლმსაჯულების გახორციელება და ნარკოტიკული დანაშაულის წინააღმდეგ ბრძოლის პროცესში როგორც მხარეთა, ასევე საზოგადოების ინტერესების დაცვის ხელშეწყობა.
კანონპროექტების ავტორები არიან კახაბერ ანჯაფარიძე და ანდრო ალავიძე.
