საქართველოს ფეხბურთელთა ნაკრები 2026 წლის მსოფლიო ჩემპიონატის საკვალიფიკაციო ჯგუფში მეორე შეხვედრას ბულგარეთის წინააღმდეგ თბილისში ატარებს. პირველი ტაიმის შემდეგ ჩვენი გუნდი მეტოქეს ამარცხებს – 2:0.
მატჩში ანგარიში 30-ე წუთზე ხვიჩა კვარაცხელიამ გახსნა. მან მეტოქე გუნდის ფეხბურთელების შეცდომით ისარგებლა, მარცხენა ფლანგიდან საჯარიმოში შევიდა და ზუსტად დაარტყა.
უპირატესობა ორამდე ნიკა გაგნიძემ გაზარდა – მან გოლი 44-ე წუთზე გაიტანა.
საკვალიფიკაციო ეტაპის პირველ ტურში საქართველოს ნაკრები შინ თურქეთთან 2:3 დამარცხდა.
მსოფლიო ჩემპიონატის ფინალურ ეტაპზე ოთხგუდიანი ჯგუფიდან პირდაპირ პირველადგილოსანი გადის, ხოლო მეორე ადგილოსანი პლეი ოფში ითამაშებს.
ფოტო: ეროვნული ნაკრები
