რუსეთის პრეზიდენტმა ვლადიმირ პუტინმა განაცხადა, რომ მას შეუძლია უკრაინაში ომის დასრულების „მისაღები ვარიანტზე“ მოლაპარაკება, წინააღმდეგ შემთხვევაში, თავის მიზნებს სამხედრო გზით მიაღწევს. ამის შესახებ პუტინმა ჩინეთში გამართულ პრესკონფერენციაზე ისაუბრა.
„თუმცა, მეჩვენება, რომ თუ საღი აზრი გაიმარჯვებს, მაშინ შესაძლებელი იქნება ამ კონფლიქტის [რუსეთის ომი უკრაინის წინააღმდეგ] დასრულების მისაღებ ვარიანტზე შეთანხმება. მე აქედან გამოვდივარ. უფრო მეტიც, ჩვენ ვხედავთ აშშ-ის ამჟამინდელი ადმინისტრაციის განწყობას პრეზიდენტ ტრამპის ხელმძღვანელობით.
ჩვენ ვხედავთ არა მხოლოდ მოწოდებებს, არამედ ამ გადაწყვეტის პოვნის გულწრფელ სურვილს,“ - თქცა პუტინმა.
მან განაცხადა, რომ „გვირაბის ბოლოს გარკვეული სინათლე“ ჩანს.
„ვნახოთ, როგორ განვითარდება მოვლენები“, - აღნიშნა მან.
„თუ არა, მაშინ ჩვენ მოგვიწევს ჩვენს წინაშე დასახული ყველა ამოცანის სამხედრო გზით გადაწყვეტა“, - თქვა პუტინმა
