ევროპული ომის პარტია ინარჩუნებს თავის ტრენდს და არ წყნარდება, რაც ეწინააღმდეგება რუსეთისა და აშშ-ის პრეზიდენტების, ვლადიმირ პუტინისა და დონალდ ტრამპის მიდგომას. ამის შესახებ რუსეთის პრეზიდენტის პრესსპიკერმა, დმიტრი პესკოვმა, ჟურნალისტებს განუცხადა, დასავლელი ლიდერების მიერ რუსეთის პრეზიდენტის მიმართ გაკეთებული მკაცრი განცხადებების კომენტირებისას.
„ევროპული ომის პარტია თავის მთავარ ტრენდს ინარჩუნებს. ისინი არ ცხრებიან. ეს მკვეთრად ეწინააღმდეგება იმ მიდგომას, რომელსაც, მაგალითად, ჩვენი პრეზიდენტი, პრეზიდენტი პუტინი და აშშ-ის პრეზიდენტი ტრამპიც კი იცავენ“, - აღნიშნა პესკოვმა.
მანამდე გერმანიის კანცლერმა ფრიდრიხ მერცმა განაცხადა, რომ გერმანია რუსეთთან კონფლიქტის მდგომარეობაშია. მერცმა აღნიშნა, რომ რუსეთის ლიდერი ვლადიმირ პუტინი ყოველდღიურად ესხმის თავს გერმანიის ინფრასტრუქტურას და ცდილობს „გავლენა მოახდინოს საზოგადოებრივ აზრზე“, მათ შორის სოციალური მედიის საშუალებით.
„პუტინი ჩვენი ქვეყნის დიდი ნაწილის დესტაბილიზაციას ახდენს. ის ყველგან ერევა“, - აღნიშნა კანცლერმა. ამასთან, ჟურნალისტის შეკითხვაზე ეთანხმება, თუ არა საფრანგეთის ლიდერის, ემანუელ მაკრონის სიტყვებს, როდესაც მან რუსეთის პრეზიდენტს ევროპის კართან კაციჭამია უწოდა, მერცმა უპასუხა: „ასე ვხედავ ვლადიმირ პუტინს“.
