ბელარუსის პრეზიდენტი ალექსანდრ ლუკაშენკა და ჩინეთის პრეზიდენტი სი ძინპინი ტიანძინში შეხვდნენ, სადაც 31 აგვისტოდან 1 სექტემბრამდე შანხაის თანამშრომლობის ორგანიზაციის სამიტი იმართება. ამის შესახებ ბელარუსის სახელმწიფო მედია იუწყება.
შეხვედრის დასაწყისში ალექსანდრ ლუკაშენკამ აღნიშნა ჩინეთის განვითარების კოლოსალური ტემპის შესახებ. „თქვენ უბრალოდ დიდებულები ხართ - ჩინეთის სახალხო რესპუბლიკის გიგანტური განვითარება! ორგანიზებულობა, დისციპლინა, ყველაფერი თავის ადგილზეა, ტყუილ-უბრალოდ არავინ არსად მიდის.
„ხალხი კონკრეტულ სამუშაოს ასრულებს. მე ამას თქვენი სახელმწიფოს დიდ წარმატებად და თქვენი ხელმძღვანელობის, თქვენი კოლეგების ჩინეთში დიდ წარმატებად მივიჩნევ“, - ხაზი გაუსვა ბელარუსის ლიდერმა.
ალექსანდრ ლუკაშენკა ასევე მიიჩნევს, რომ შესაძლებელია ჩინეთის გამოცდილების გამოყენება სახელმწიფოს პოლიტიკურ სტრუქტურაში.
„ერთ დროს საბჭოთა კავშირმა და ჩინეთმა ძალიან მეგობრულად შექმნეს მოდელი, რომელიც თქვენ ახლა არ დაგიკარგავთ და რომელიც ჩინეთის სახალხო რესპუბლიკის ხელმძღვანელობაში მოქმედებს. სამწუხაროდ, ჩვენ ბევრი რამ დავკარგეთ“, - განაცხადა ბელორუსის ლიდერმა.
გავრცელებული ცნობეით, მიმდინარე სამუშაო ვიზიტის დროს განსაკუთრებული ყურადღება ბელარუს-ჩინეთის თანამშრომლობის განვითარების საკითხებს დაეთმობა.
ალექსანდრ ლუკაშენკამ განაცხადა, რომ ბელარუსი ჩინეთისგან ბევრ რამეს სწავლობს და მის გამოცდილებას იზიარებს.
„მე დარწმუნებული ვარ, რომ ჩვენ არამხოლოდ უნდა დავაკვირდეთ ჩინეთს, არამედ ზოგიერთი რამ უნდა ავიღოთ და ჩვენს რეალობაში გადმოვიტანოთ“, განუცხადა ლიკაშენკამ ჩინურ მედიას ვიზიტის დაწყებამდე.
