ბოლო კვირების განმავლობაში უკრაინაში ომის მშვიდობიანი გზით დასრულების ყველა მცდელობას რუსეთის მხრიდან უკრაინის მოსახლეობის წინააღმდეგ კიდევ უფრო აგრესიული ქმედებები მოჰყვა. ამის შესახებ გერმანიის კანცლერმა ფრიდრიხ მერცმა განაცხადა.
„და ეს არ შეჩერდება მანამდე, ვიდრე ერთად არ მივაღწევთ იმას, რომ რუსეთს, სულ მცირე ეკონომიკური მიზეზების გამო და შესაძლოა სამხედრო მიზეზების გამოც, აღარ შეეძლოს ამ ომის წარმოება“, - აღნიშნა მერცმა ქრისტიან-დემოკრატიული კავშირის (CDU) ყრილობაზე.
ფრიდრიხ მერცმა შეაქო ევროპელების ერთიანობა უკრაინის საკითხის განხილვაში და მისი შემდგომი შენარჩუნებას თავის მისია უწოდა.
„თუ გერმანია მზად იქნება კვლავ აიღოს ლიდერობა ევროპაში, თუ ევროპა ერთიანი იქნება, მაშინ ჩვენ გვექნება შანსი, რომ მოგვისმინონ, მაშინ ჩვენ შევძლებთ ჩვენი ინტერესების დაცვას“, - განაცხადა მერცმა.
