ჩეხეთის საგარეო საქმეთა სამინისტრო შვიდი ქართული არასამთავრობო ორგანიზაციის ანგარიშების დაყადაღებას ეხმიანება.
როგორც ჩეხეთის საგარეო უწყება აღნიშნავს, ისინი საქართველოს სამოქალაქო საზოგადოების გვერდით არიან.
„არასამთავრობო ორგანიზაციები ყოველი ქვეყნისთვის შეუცვლელ როლს ასრულებენ, რაც ჩეხეთმა თავისი გამოცდილებიდან იცის. ჩვენ ვდგავართ საქართველოს სამოქალაქო საზოგადოების გვერდით და მოვუწოდებთ საქართველოს ხელისუფლებას, შეაჩეროს გამოძიებები და გაათავისუფლოს გაყინული ფინანსური რესურსები“, – წერს ჩეხეთის საგარეო საქმეთა სამინისტრო სოციალურ ქსელში.
ცნობისთვის, პროკურატურაში მიმდინარე გამოძიების ფარგლებში რამდენიმე არასამთავრობო ორგანიზაციის საბანკო ანგარიშებს ყადაღა დაედო.
