"უვიზო რეჟიმის შეჩერების საფრთხე რეალურია, თუმცა ვმუშაობთ, რომ ეს შეეხოს მხოლოდ ივანიშვილის რეჟიმსა და მის გარემოცვას, არა ქართველ მოქალაქეებს", - განაცხადა “ნაციონალური მოძრაობის” თავმჯდომარემ, თინა ბოკუჩავამ.
"დანიაში საგარეო მინისტრების არაფორმალურ შეხვედრაზე, რა თქმა უნდა, იქნება საუბარი საქართველოზე, რადგან 2 დღეში იწურება ის ვადა, რომელიც ევროკავშირმა განუსაზღვრა ივანიშვილის რეჟიმს კონკრეტული მოთხოვნების შესასრულებლად, თუმცა არანაირი ილუზია, რომ ივანიშვილი ამას შეასრულებდა, ჩვენ არ გვქონია. უვიზო რეჟიმის დაკარგვის რეალური საფრთხე არსებობს, რის წინაშეც საქართველოს მოქალაქეები დააყენა ივანიშვილის რეჟიმმა, თუმცა ჩვენ ვმუშაობთ ევროპულ დედაქალაქებთან და განსაკუთრებით პოლონეთთან, რადგან სწორედ პოლონეთის თავმჯდომარეობის პირობებში გახდა შესაძლებელი, რომ უვიზო მიმოსვლა შეჩერდეს არა საქართველოს მოქალაქეების მიმართ, არამედ ე.წ დროებითი შეჩერების მექანიზმი გამოყენებული იქნას მიზანმიმართულად კონკრეტული ჯგუფების მიმართ - ივანიშვილი, მისი გარემოცვა, მისი კორუმპირებული ელიტა, მოსამართლეები, მოძალადეები, ამ მიზნით შევხვდით მათ შორის პოლონეთის საგარეო საქმეთა მინისტრს რადისლავ სიკორსკის, რადგან სწორედ პოლონეთის თავმჯდომარეობის პირობებში გახდა შესაძლებელი, რომ ე.წ დროებითი შეჩერების მექანიზმის შერჩევითად გამოყენება არა საქართველოს ყველა მოქალაქის, არამედ კონკრეტული ჯგუფების მიმართ და სწორედ ამაზე ვმუშაობთ", - განაცხადა თინა ბოკუჩავამ.
