ტრამპისა და პუტინის ისტორიული შეხვედრა უნდა დასრულდეს უკრაინისთვის ხელსაყრელი შედეგით. ეს მნიშვნელოვანია ჩვენთვისაც, ჩვენი ქვეყნის თავისუფლებისთვის, ევროინტეგრაციისთვის, - ამის შესახებ “ნაციონალური მოძრაობის” გენერალური მდივნის მოადგილემ, ირაკლი ფავლენიშვილმა განაცხადა
ირაკლი ფავლენიშვილის განცხადებით, რუსული იმპერიის ნგრევა გაგრძელდება.
“რა თქმა უნდა, ძალიან მნიშვნელოვანია ის ისტორიული შეხვედრა, რომელიც დღეს შედგება და ჩვენთვის ძალიან მნიშვნელოვანია, რომ უკრაინისთვის ხელსაყრელი პირობებით მოხდეს დასრულება ცეცხლის შეწყვეტა, რადგან ჩვენი ქვეყნის თავისუფლებისთვის, ევროინტეგრაციისთვის მთავარია ის თუ რა მოხდება რუსეთის იმპერიის ამბიციებთან დაკავშირებით. აუცილებლად უნდა მოხდეს ამ იმპერიის შეკავება და ძალიან მნიშვნელოვანი იქნება ამ მიმართულებით ცეცხლის შეწყვეტა და, რა თქმა უნდა, ამის შემდეგ არ უნდა შეწყდეს ცივილიზებული სამყაროს მხრიდან უკრაინის სუვერენიტეტის, ტერიტორიული მთლიანობის მხარდაჭერა. სტრატეგიული მიზანი რუსეთის, რაც წარმოადგენს უკრაინის, როგორც სახელმწიფოს განადგურებას, ეს ვერ შედგება, რადგან ეს არის ფაქტი და მომავალშიც რუსული იმპერიის ნგრევა გაგრძელდება, ხოლო უკრაინის მშენებლობა.” - განაცხადა ირაკლი ფავლენიშვილმა
