რუსეთის პრეზიდენტის პრესსპიკერმა დმიტრი პესკოვმა განაცხადა, რომ ალასკაში რუსეთ-ამერიკის სამიტის შემდეგ არანაირი დოკუმენტის ხელმოწერა არ იგეგმება.
რაიმე დოკუმენტის ხელმოწერის შესახებ დასმული შეკითხვის პასუხად პესკოვმა განაცხადა:
„არა, ეს მოსალოდნელი არ არის, არაფერი მომზადებულა და ნაკლებად სავარაუდოა, რომ აქ რაიმე დოკუმენტი იყოს“.
მან ასევე დასძინა, რომ არასწორი იქნებოდა „შედეგების პროგნოზირების მცდელობა“.
„იმის გათვალისწინებით, რომ ერთობლივი პრესკონფერენცია გაიმართება, პრეზიდენტი, რა თქმა უნდა, გამოკვეთს შესაძლო შეთანხმებებისა და ურთიერთგაგების სპექტრს,“ - განაცხადა პესკოვმა.
