2008 წლის აგვისტოს ომის 17-წლისთავთან დაკავშირებით აშშ-ის საგარეო ურთიერთობათა კომიტეტის წამყვანი წევრი, სენატორი ჯინ შაჰინი განცხადებას ავრცელებს.
"რუსეთის მიერ საქართველოში 2008 წელს შეჭრა საერთაშორისო საზოგადოებისთვის უნდა ყოფილიყო გამაფრთხილებელი ზარი, რომ რუსეთი აპირებს მეზობლებზე დომინირებას და საკუთარი აგრესიის დაფარვას. რუსეთის დაუნდობელი ქმედებები საქართველოში უკრაინაში განხორციელებულ ქმედებებს წინასწარმეტყველებდა, ბოლო დროს სრულმასშტაბიანი ომის გზით. ქართველი ხალხი ხვდება, რა მოაქვს "რუსულ სამყაროს" და სწორედ ამიტომ, ისინი სასტიკად ეწინააღმდეგებოდნენ "ქართული ოცნების" მთავრობის მცდელობებს, დაახლოვონ ისინი ანტიდემოკრატიულ, რუსული სტილის მმართველობასთან.
ამ საზეიმო წლისთავზე, შეერთებულმა შტატებმა უნდა განაგრძოს რუსეთის მიერ აფხაზეთისა და სამხრეთ ოსეთის უკანონო ანექსიის უარყოფა. ღრმად შეშფოთებული ვარ "ქართული ოცნების" მთავრობის მიერ დემოკრატიული ღირებულებების ეროზიით და ქართველი ხალხის ევროატლანტიკური მისწრაფებების ღალატით. თუ მთავრობას რუსული აგრესიის მსხვერპლთა ხსოვნისთვის პატივის მიგება სურს, მან უნდა გაათავისუფლოს ისეთი პოლიტიკური პატიმრები, როგორიცაა ჟურნალისტი მზია ამაღლობელი, და ხელახლა დაადასტუროს ერთგულება საქართველოს დემოკრატიული მომავლის მიმართ. მე კვლავაც ვუჭერ მხარს ქართველ ხალხს და გავაორმაგებ ჩემს ძალისხმევას ორპარტიული, ორპალატიანი MEGOBARI აქტის ამოქმედების მიზნით", - ვკითხულობთ განცხადებაში.
