რუსეთი მოუწოდებს ყველა მხარეს, უკრაინა მოლაპარაკებების გაგრძელებისკენ წაახალისო, - ამის შესახებ კრემლის პრესსპიკერმა, დმიტრი პესკოვმა განაცხადა.
პესკოვის განცხადებით, რუსეთი მოლაპარაკებებისთვის კვლავ მზად არის, თუმცა უკრაინას მესამე რაუნდის ჩატარების შესახებ შეთავაზება არ გაუკეთებია.
„მთავარი აშშ-ის, პრეზიდენტ ტრამპისა და მისი გუნდის ძალისხმევაა. იმედგაცრუების შესახებ ბევრი რამ ითქვა და ჩვენ ვიმედოვნებთ, რომ ამის პარალელურად ზეწოლა უკრაინაზეც ხორციელდება. რადგან, როგორც უკვე ითქვა, ახლა ისეთი შთაბეჭდილება იქმნება, თითქოს უკრაინული მხარე მის მიმართ გაკეთებულ ყველა მხარდაჭერის სიტყვას არა მშვიდობის სიგნალად, არამედ ომის სიგნალად, ომის გაგრძელების სიგნალად აღიქვამს“, - განაცხადა პესკოვმა.
მისივე თქმით, აშშ-ის მიერ უკრაინისთვის იარაღის მიწოდების გეგმა „ბიზნესია“.
„იარაღის მიწოდება ადრეც გრძელდებოდა. ეს არავის შეუჩერებია. ახლა კითხვა იმაში მდგომარეობს, თუ ვინ იხდის მასში ფულს. ჯერჯერობით რასაც ჩვენ ვხედავთ არის ის, რომ ევროპელები მილიტარისტულ დამოკიდებულებას ავლენენ და მზად არიან იარაღის შესყიდვის მიზნით უამრავი ფული დახარჯონ, რათა ომის გაგრძელებას ხელი შეუწყონ“, - აღნიშნა პესკოვმა.
