მსხვილ ბიზნესს უნდა ესმოდეს, რომ სიჩუმე არ არის გარანტია - ამხელა კაპიტალის მქონე ბიზნესმენი იარაღის ტარებისთვის დააკავო - ნონსენსია. ვის სჯერა, - ასე ეხმიანება „ერთიანობა - ნაციონალური მოძრაობის“ წევრი ხატია დეკანოიძე, ბიზნესმენის, „სილქ როუდ ჯგუფისა“ და „სილქნეტის“ დამფუძნებლის გიორგი რამიშვილის დაკავებას.
როგორც დეკანოიძე წერს, „ქართული ოცნების“ დამფუძნებელი ბიძინა ივანიშილი „ყველას მიადგება, მათაც, ვინც გასუსული ბუჩქებში ზის“.
„მსხვილ ბიზნესს უნდა ესმოდეს, რომ სიჩუმე არ არის გარანტია.
ივანიშვილი რუსული, ბანდიტური 90-იანებიდან მოდის. ყველას მიადგება, მათაც, ვინც გასუსული ბუჩქებში ზის.
ამხელა კაპიტალის მქონე ბიზნესმენი იარაღის ტარებისთვის დააკავო - ნონსენსია. ვის სჯერა.
ბიზნესი, იბრძოლეთ ცვლილებებისთვის, სანამ მართლა გვიანი არ იქნება თქვენივე თავისუფლებისთვის“, - წერს დეკანოიძე.
შეგახსნებთ, ბიზნესმენი, „სილქ როუდ ჯგუფისა“ და „სილქნეტის“ დამფუძნებელი გიორგი რამიშვილი დააკავეს.
