ნატოს გენერალურმა მდივანმა მარკ რუტემ ჰააგაში ალიანსის სამიტის შემდეგ Reuters-თან ინტერვიუში განაცხადა, რომ ნატო-ს ყველა ქვეყანა, მათ შორის შეერთებული შტატები, სრულად ერთგულია უკრაინის მხარდაჭერის.
მისი თქმით, ნატო-ს არცერთი წევრი არ არის „გულუბრყვილო“ რუსეთის მიმართ და ყველას აქვს მისი განზრახვების „მეტ-ნაკლებად ერთნაირი შეფასება“.
„ნატო-ს ყველა წევრი, მათ შორის შეერთებული შტატები, სრულად არის ერთგული უკრაინის საბრძოლო შესაძლებლობების შენარჩუნების, რათა უზრუნველყოს ის, რომ ნებისმიერი სამშვიდობო შეთანხმება, ან ცეცხლის შეწყვეტა იყოს ძლიერი და მდგრადი,“ - განაცხადა რუტემ.
მისი თქმით, ნატო-ს ევროპელი წევრები საკუთარ თავზე აიღებენ უკრაინისთვის უფრო და უფრო მეტი დახმარების გაწევას, თუმცა გარკვეული დახმარება კვლავაც აშშ-დან იქნება.
როგორც ნატო-ს გენერალურმა მდივანმა აღნიშნა, აშშ ძლიერად იქნება ჩართული დაზვერვის ინფორმაციების გაზიარებაში, ასევე პრაქტიკულ სამხედრო მხარდაჭერაში, მათ შორის, შესაძლოა, საჰაერო თავდაცვის სისტემების ჩათვლით.
„ვფიქრობ, აშშ-ს ჩართულობა კვლავ დიდი იქნება“, - თქვა რუტემ.
