უნგრეთის პრემიერ-მინისტრი ვიქტორ ორბანი ქვეყანაში ოპოზიციური ძალების პოპულარობის მნიშვნელოვანი ზრდის გამო ძალაუფლების დაკარგვის რეალური საფრთხის წინაშე დგას. ამის შესახებ Bloomberg წერს.

გამოკითხვის თანახმად ამომრჩეველთა 51% მზადაა, ხმა მისცეს „ტისას“, მაშინ როცა „ფიდესს“ მხოლოდ 36% უჭერს მხარს. მარტში იმავე სოციოლოგიურმა ჯგუფმა „ტისას“ უპირატესობა 9%-ით დააფიქსირა.

სოციოლოგების აზრით, ოპოზიციის ამჟამინდელი უპირატესობა უკვე საკმარისია იმისათვის, რომ „ტისამ“ მომავალ საპარლამენტო არჩევნებში იგივე დამაჯერებელი გამარჯვებას მიაღწიოს, რასაც ორბანის პარტია ბოლო წლებში აღწევდა.

მიუხედავად იმისა, რომ თავად „ტისა“ ძალიან ახალგაზრდა პარტიაა, რომელიც სულ რაღაც ერთი წლის წინ დაარსდა, მას გამოცდილი პოლიტიკოსი პეტერ მადიარი ხელმძღვანელობს, რომელიც ადრე ორბანის მთავრობის წევრი იყო, მაგრამ შემდეგ პრემიერ-მინისტრს დაუპირისპირდა.

პოლიტიკურ კამპანიაში ტისა ყურადღებას ამახვილებს ჯანდაცვისა და განათლების საკითხებზე.

როგორც Bloomberg აღნიშნავს, ოპოზიციის მზარდი პოპულარობის შესაკავებლად, ორბანის მთავრობამ დამოუკიდებელი მედიისა და სამოქალაქო საზოგადოების წინააღმდეგ რეპრესიები დაიწყო. თუმცა, მასშტაბური ქუჩის საპროტესტო აქციების შემდეგ, მთავრობა იძულებული გახდა უკან დაეხია.

უნგრეთში შემდეგი საპარლამენტო არჩევნები 2026 წლის გაზაფხულზეა დაგეგმილი.