გერმანიის კანცლერმა ფრიდრიხ მერცმა მკაცრად გააკრიტიკა რუსეთი უკრაინაში განხორციელებული დარტყმების გამო, რომლებსაც მან მშვიდობიანი მოსახლეობის წინააღმდეგ ტერორი უწოდა.

როგორც Welt იუწყება, გერმანიის კანცლერმა ეს განცხადება ნიდერლანდების პრემიერ-მინისტრ დიკ სხოოფთან ერთად გამართულ ერთობლივ პრესკონფერენციაზე გააკეთა.

მერცმა რუსეთი კიევსა და უკრაინის სხვა ქალაქებზე ბოლოდროინდელი მასობრივი თავდასხმების გამო „სერიოზულ ომის დანაშაულებში“ დაადანაშაულა.

მან ხაზგასმით აღნიშნა, რომ ბოლო რამდენიმე დღის განმავლობაში რუსი სამხედრობი „განზრახ და დაუნდობლად“ ესხმიან თავს უკრაინის მშვიდობიან მოსახლეობას მრავალი დრონისა და ფრთოსანი რაკეტის გამოყენებით.

მერცის განცხადებით, რუსეთის მასშტაბური თავდასხმები იყო „ტერორი მშვიდობიანი მოსახლეობის წინააღმდეგ“ და სრულიად არაპროპორციული პასუხი უკრაინის მიერ რუსეთის სამხედრო აეროპორტებზე ძალიან ზუსტ დარტყმებზე.

ბოლო დღეებში რუსეთის საოკუპაციო ძალებმა უკრაინის ქალაქებზე ძლიერი თავდასხმების სერია განახორციელეს. ორშაბათს ღამით უკრაინა ომის დაწყების შემდეგ გასულ ღამეს ყველაზე მასშტაბური დრონებით თავდასხმის ქვეშ მოექცა.

საჰაერო ძალების ცნობით, მოწინააღმდეგემ გამოიყენა თითქმის 500 საჰაერო თავდასხმის იარაღი - 479 დრონი და 20 ფრთოსანი რაკეტა.

10 ივნისს ოკუპანტებმა ძირითადი შეტევა კიევისკენ მიმართეს, ასევე დაზარალდა ოდესის ოლქიც.

საჰაერო ძალების წარმომადგენელმა იური იგნატმა განაცხადა, რომ რუსეთმა უკრაინის დედაქალაქს დიდი რაოდენობით იარაღით ფაქტობრივად ყველა მხრიდან შეუტია.

საერთო ჯამში, მტერმა უკრაინის მიმართულებით 322 საჰაერო თავდასხმის იარაღი გამოიყენა. უკრაინის საჰაერო თავდაცვის ძალებმა 284 საჰაერო სამიზნის განეიტრალება შეძლეს.