შიდა ქართლში 22 მაისს 13 წლის ბიჭის მიმართ გარყვნილი ქმედების ბრალდებით 22 წლის კაცი დააკავეს - სასამართლო მისთვის აღკვეთი ღონისძიების შეფარდებაზე დღეს მსჯელობს. ინფორმაციას "რადიო თავისუფლება" ავრცელებს.
გამოძიების თანახმად, ახალგაზრდა კაცმა მოზარდი ინტერნეტით გაიცნო და შემდეგ მის სანახავად ჩავიდა იმ დასახლებაში, სადაც ის ოჯახთან ერთად ცხოვრობს.
გამოძიება სისხლის სამართლის კოდექსის 141-ე მუხლის მე-2 ნაწილის „ვ“ ქვეპუნქტით დაიწყო, რაც სრულწლოვანის მიერ წინასწარი შეცნობით თოთხმეტი წლის ასაკს მიუღწეველი პირის მიმართ ძალადობის გარეშე განხორციელებულ გარყვნილ ქმედებას გულისხმობს.
