თურქეთში სამართალდამცავებმა ფართომასშტაბიანი ანტიტერორისტული ოპერაცია 22 პროვინციაში ჩაატარეს.
თურქეთის შინაგან საქმეთა მინისტრის, ალი ერლიკაიას განცხადებით, სპეცოპერაციის შედეგად ქურთისტანის მუშათა პარტიასთან დაკავშირებული 239 ეჭვმიტანილი დააკავეს.
სამართალდამცავებმა ამოიღეს ცეცხლსასროლი იარაღი, ასევე დიდი ოდენობით დოკუმენტაცია და ციფრული მასალა.
ერთი დღით ადრე, თურქეთმა განაცხადა, რომ საჰაერო დარტყმები განახორციელა ჩრდილოეთ ერაყში და იქ მყოფი ქურთისტანის მუშათა პარტიის (PKK) 12 წევრის ლიკვიდაცია მოახდინა.
მანამდე, თურქეთმა დაიწყო ავიაიერიშები ქურთი მებრძოლების წინააღმდეგ მეზობელ სირიასა და ერაყში თურქეთის სამხედრო ბაზებზე მორიგი თავდასხმის საპასუხოდ, რომლის დროსაც მისი ცხრა ჯარისკაცი დაიღუპა და ოთხი დაშავდა.
