ვენეციის კომისიის დასკვნა "აგენტების კანონთან" დაკავშირებით მომავალი კვირის დასაწყისში გამოქვეყნდება. ამის შესახებ ნათქვამია ევროპის საბჭოს საპარლამენტო ასამბლეის (PACE) პრეზიდენტის თეოდოროს რუსოპულოსი განცხადებაში.
რუსოპულოსი მოუწოდებს ქართველ კანონმდებლებს, კანონი ამოქმედებამდე სრულად გაითვალისწინონ ვენეციის კომისიის რეკომენდაციები.
მისივე თქმით, პარლამენტმა აღნიშნული კანონპროექტი ნაჩქარევად მიიღო
რუსოპულოსი ასევე ეხმიანება თბილისში გამართულ საპროტესტო დემონსტრაციებს და გმობს ოპოზიციონერ პოლიტიკოსებზე, სამოქალაქო აქტივისტებსა და მედიის წარმომადგენლებზე თავდასხმებსა და პოლიციის მიერ მშვიდობიანი დემონსტრანტების წინააღმდეგ არაპროპორციულ ძალის გამოყენებას.
"ეს თავდასხმები ისევე, როგორც პოლიციის მიერ ძალის არაპროპორციული გამოყენების შესახებ ცნობები, სრულად და გამჭვირვალედ უნდა იყოს გამოძიებული ხელისუფლების მიერ, შესაბამისი ზომები უნდა იყოს მიღებული მომიტინგეების, სამოქალაქო საზოგადოების აქტივისტების, ჟურნალისტებისა და პარლამენტის წევრების უსაფრთხოების დასაცავად, ამ კანონთან დაკავშირებით მათი მოსაზრების მიუხედავად", - აღნიშნავს რუსოპულოსმა.
პარლამენტმა საკამათო კანონპროექტი, მასშტაბური საპროტესტო აქციებისა და საერთაშორისო საზოგადოების მოწოდებების მიუხედავად, 14 მაისს მესამე მოსმენით მიიღო.
