თბილისში, პარლამენტის მიმდებარედ საპროტესტო აქცია 10:00 საათიდან განახლდება.
"ვიკრიბებით დილის 10 საათიდან. პარლამენტის სხდომა დაიწყება 12:00-ზე", - წერენ აქციის ორგანიზატორები სოციალურ ქსელში.
12:00 საათზე დაგეგმილია პარლამენტის პლენარული სხდომა, სადაც მესამე მოსმენით განიხილება "გამჭვირვალობის" კანონპროექტი. როგორც "ქართული ოცნების" ლიდერები აცხადებენ, კანონპროექტის დამტკიცებას ხელს ვერაფერი შეუშლის.
დღის განმავლობაში, კანონპროექტის გაპროტესტების მიზნით, გაიმართება საპროტესტო მარშები.
