ცხადად რომ ვთქვა, საფრანგეთში ჩვენ განვიხილავთ მნიშვნელოვან საკითხს, რომლის წინაშეც ბევრი დემოკრატია დგას, კერძოდ, როგორ ვებრძოლოთ უცხოურ ჩარევას დემოკრატიულ პროცესებში, – ამის შესახებ საფრანგეთის ელჩმა, შერაზ გასრიმ განაცხადა.
ელჩმა უპასუხა შეკითხვას, რომლის მიხედვით, გარე ჩარევასთან ბრძოლის შესახებ კანონპროექტს საფრანგეთშიც იღებენ.
„საფრანგეთში ვდგავართ სულ უფრო აგრესიული რუსული ჩარევის წინაშე და გვსურს, ამ ჩარევას ვებრძოლოთ. გვსურს, ამას ვებრძოლოთ ადამიანის უფლებების დაცვის ფარგლებში, რადგან ეს არის ჩვენი ღირებულებები. ჩვენ გვსურს, ამას ვებრძოლოთ იმგვარად, რომ არ მოვახდინოთ უფლებადამცველი ორგანიზაციების სტიგმატიზება და დემონიზება. ვფიქრობ, ძალიან მნიშვნელოვანია, რომ ჩვენმა დემოკრატიულმა პროცესებმა არ გამოიყენონ იმის ხერხები, ვის წინააღმდეგაც ბრძოლას ვცდილობთ“, – აღნიშნა ელჩმა. {საქართველოს პირველი არხი}
