კაცმა თქვა კუთხეში თავისთვის რაღაც. ვის არ შეგიგინიათ ოჯახში, ან ისე პრივატულად გამწარებულზე, - ამის შესახებ "ქართული ოცნების" წევრმა, ირაკლი ზარქუამ ბექა ოდიშარიას მიერ ქალი დეპუტატებისთვის მიყენებულ შეურაცხყოფასთან დაკავშირებით განაცხადა.
ზარქუამ ხელისუფლების მოწინააღმდეგეები ორმაგ სტანდარტში დაადანაშაულა.
ქალბატონი ხატია იყო და მეორე ხელმოცარული დიპლომატი რომ გვყავს პარლამენტში. დაგმეს და შეშფოთებები გამოთქვეს. ადამიანმა გუშინ პრივატულ საუბარში რაღაცა თქვა, არმოსაწონი, ბუნებრივია, გამოვიდა მერე, დააფიქსირა თავისი პოზიცია და თქვენ რანაირად ამოგეღებათ ხმა. თქვენი მებრძოლი და სულიერი მეგობარი გვარამია მთელი ქვეყნის მასშტაბით დედაზე აგინებდა საზოგადოებას, ხმა ამოგიღიათ? დაგიგმიათ პირდაპირ ეთერში? აი, ეს არის ორმაგი სტანდარტი რომ გაქვთ, სპეკულანტობთ ყველაფრით. ვითომ, შეშფოთდნენ აქ. კაცმა თქვა კუთხეში თავისთვის რაღაც. ვის არ შეგიგინიათ ოჯახში ან ისე პრივატულად გამწარებულზე", - თქვა ზარქუამ.
