„ნაციონალური მოძრაობა“ პრეზიდენტის სასახლესთან აქციას მართავს.
ორბელიანების სასახლესთან შეკრებილები მიხეილ სააკაშვილის გათავისუფლებას ითხოვენ.
ადგილზე იმყოფებიან სოფო ჯაფარიძე, წალენჯიხის მერი გია ხარჩილავა, ირაკლი ნადირაძე, ზაზა გოგავა და პარტიის სხვა წარმომადგენლები.
„დიდი მადლობა მინდა გადავუხადო ყველა იმ ადამიანს, რომლებიც მიუხედავად ამ გაუსაძლისი პირობებისა, იმ პრობლემებისა, რაც გააჩნია საქართველოს მოქალაქეს, დგახართ აქ, საქართველოს, მიხეილ სააკაშვილის გვერდით. დგახართ იმ იმედის გვერდით, რომელმაც საქართველოს უახლეს ისტორიაში მოახერხა და თქვენთან ერთად, თქვენი მხარდაჭერით, თქვენი შრომით ეს ქვეყანა ჭაობიდან ამოეყვანა. დიდი მადლობა მინდა გადავუხადო ყველა ემიგრაციაში წასულ ქართველს, რომელმაც ელექტრონულად მიიღო ამ ყველაფერში მონაწილეობა. აქვე მინდა გითხრათ, რომ ერთადერთი ადგილი აღმოჩნდა ივანიშვილის ხელისუფლება და ქალბატონი პრეზიდენტი, ვინც ვერ მოისმინა ეს ხმა. ეს ხმა მოისმინა დასავლურმა ცივილიზაციამ, არ დარჩენილა პარტნიორი, მეგობარი ქვეყანა საქართველოსი, რომელიც არ ითხოვს მესამე პრეზიდენტის, მიხეილ სააკაშვილის, უკანონო პოლიტპატიმრის გათავისუფლებას, რომელიც ციხეში შეთითხნილი ბრალდებით ზის.“ - განაცხადა ზაზა გოგავამ აქციაზე გამოსვლისას.
დღესვე, „ნაციონალური მოძრაობა“ მიხეილ სააკაშვილის გათავისუფლების მოთხოვნით შეგროვილ ხელმოწერებს პრეზიდენტის ადმინისტრაციას გადასცემს. პარტიაში აცხადებენ, რომ 150 000-დან 200 000-მდე ხელმოწერა შეაგროვეს.
