საქართველოს პარლამენტის ვიცე-სპიკერი მიხეილ მაჭავარიანი აჭარაში მოქმედ ბიზნესმენებს შეხვდა.
შეხვედრა, რომელიც აჭარის ფინანსთა და ეკონომიკის სამინისტროს ორგანიზებით სასტუმრო "ინტურისტში" გაიმართა, აჭარის ფინანსთა და ეკონომიკის მინისტრი ვაჟა ბოლქვაძე, აჭარის მაჟორიტარი პარლამენტარები, შემოსავლების სამსახურის აჭარის რეგიონალური ცენტრის უფროსი ირაკლი ტაბაღუა და 50 -ზე მეტი მეწარმე ესწრებოდა.
შეხვედრაზე განხილულ იქნა ახალი საგადასახადო კოდექსით განხორციელებული ცვლილებები და ის ძირითადი მიმართულებები, რაც გათვალისწინებულია ახალ კოდექსში.
ბიზნესმენების მიერ დასმულ საკითხებზე განმარტებები გასცეს სტუმრებმა. მომავალში მსგავსი შეხვედრები კიდევ შედგება.
