დღეს, 28 დეკემბერს, 15:00 საათიდან 18:00 საათამდე კრწანისის რაიონის მოსახლეობის ნაწილს ელექტროენერგიის მიწოდება დროებით შეეზღუდება. "თელასის" ინფორმაცით, ელექტროენეგიის გათიშვა მაღალი ძაბვის საკვანძო გამანაწილებელ ქვესადგურ "ნავთლუღი-220"-ში საქართველოს ელექტროსისტემის მიერ სარემონტო სამუშაოების ჩატარებას უკავშირდება.
შეზღუდვა შეეხება ზემო და ქვემო ფონიჭალის, გეოლოგების დასახლების, რუსთავის გზატკეცილის, ჟორდანიას, მარნეულის, ღოღობერიძის, სურგულაძის ქუჩების მცხოვრებლებს.
შეზღუდვა აგრეთვე შეეხება # 4 მაცივარს, ელექტროშემდუღებელ ქარხანას და ასფალტის ქარხანას. ამ დაწესებულებებს დაგეგმილი შეზღუდვების შესახებ კომპანია "თელასმა" წინასწარ უკვე აცნობა. სარემონტო სამუშაოს დასრულების შემდეგ აბონენტებს ელექტრომომარაგება დაუყოვნებლივ აღუდგებათ.
