ისრაელის თავდაცვის მინისტრმა იოავ გალანტმა განაცხადა, რომ ისრაელის არმია გეგმავს სტრატეგიის შეცვლას ღაზის სექტორის სამხრეთ ნაწილში, ტერორისტული მოძრაობა ჰამასის წინააღმდეგ ბრძოლის ფარგლებში
"ჩვენ ნათლად განვაცხადეთ, რომ მანევრირების ინტენსიური ფაზა დაახლოებით სამ თვეს გაგრძელდება. ღაზის სექტორის სამხრეთ ნაწილში ჩვენ მივაღწევთ ამ მიზანს და ეს ეტაპი მალე დასრულდება", - თქვა მან იერუსალიმში გამართულ პრესკონფერენციაზე.
გალანტის თქმით, ამის შემდეგ ღაზის სექტორის ჩრდილოეთ ნაწილში ომის „შემდეგი ეტაპი“ დაიწყება. ამასთან, მას კონკრეტული ვადები არ დაუსახელებია.
ისრაელი ღაზის სექტორში სახმელეთო სამხედრო ოპერაციას 27 ოქტომბრიდან ახორციელებს. ბოლო კვირების განმავლობაში ისრაელის არმიამ გააძლიერა რეიდები და საჰაერო დარტყმები სამიზნეებზე სამხრეთით მდებარე ქალაქების ხან იუნისისა და რაფას წინააღმდეგ. ისრაელის ცნობით, 15 იანვარს ოპერაციაში მონაწილე ოთხი დივიზიიდან ერთმა ღაზის სექტორი დატოვა. ისრაელელმა სამხედროებმა განაცხადეს, რომ ჯარისკაცებმა გაანადგურეს ასობით ტერორისტი და გაანადგურეს „ჰამასის“ გვირაბი ღაზის ცენტრალურ და ჩრდილოეთ ნაწილში.
