დღეს, კინოს სახლში "საერთო-სახალხო წინააღმდეგობის" მოძრაობის პრეზენტაცია გაიმართა.
როგორც მოძრაობის ლიდერებმა განაცხადეს, მათი მთავარი მიზანი ხელისუფლების შეცვლა იქნება, რაც პოლიტიკური ძალების დახმარების გარეშე უნდა განხორციელდეს.
მოძრაობის მთავარი დევიზი "პოლიტიკოსების გარეშე" იქნება.
მოძრაობის ლიდერის დავით თარხან-მოურავის განმარტებით, მათი გადაწყვეტილება, რომ მოძრაობამ პოლიტიკოსების გარეშე უნდა იმოქმედოს, საზოგადოების მხრიდან პოლიტიკოსების მიმართ დაკარგულმა ნდობამ გამოიწვია.
"ჩვენი მოძრაობა დამოკიდებულია მხოლოდ საზოგადოების აქტივობაზე და არა პოლიტიკური ძალებზე. პოლიტიკოსების უმრავლესობამ საზოგადოებას ნდობა დაკარგა. ეს მოძრაობა იქნება საჯარო და ღია. ჩვენი ქმედებები ხელისუფლების შეცვლისკენ იქნება მიზანმიმართული. ნოვატორული ტაქტიკით ვიმოქმედებთ. ყველა მოქმედება სრულიად ახალი და ადვილად შესასრულებელი იქნება და ახალი წლის შემდეგ დაიწყება", - განაცხადა პრეზენტაციაზე თარხან-მოურავმა.
ორგანიზაციის ლიდერების თქმით, მოძრაობაში გაწევრიანება ნებისმიერ პირს შეეძლება.