შეერთებული შტატები ერაყში მთავრობის ახალი შემადგენლობის დამტკიცებას მიესალმება.
ამის შესახებ "თეთრი სახლის" განცხადებაშია ნათქვამი.
"ერაყის პარლამენტის წარმომადგენელთა საბჭოს მიერ მთავრობის ახალი შემადგენლობის დამტკიცება მნიშვნელოვან მომენტს წარმოადგენს ერაყის ისტორიაში და მთავარ ნაბიჯს ეროვნული ერთიანობისკენ", - ნათქვამია განცხადებაში.
ამასთან, ოფიციალური ვაშინგტონის ინფორმაციით, პრეზიდენტმა ბარაკ ობამამ და ვიცე-პრეზიდენტმა ჯო ბაიდენმა ერაყის პრემიერ-მინისტრ ნური ალ მალიკის მთავრობის ახალი შემადგენლობის დამტკიცება პირადად მიულოცეს. ისინი ალ მალიკის ტელეფონით ესაუბრნენ.
შეგახსენებთ, რომ ერაყის პარლამენტმა მთავრობის ახალი შემადგენლობა 19 დეკემბერს დაამტკიცა.
