ბელორუსიის ხელისუფლება 18 ოპოზიციონერს, მათ შორის 6 პრეზიდენტობის კანდიდატს და ჟურნალისტებს საპრეზიდენტო არჩევნების შემდეგ არეულობის მოწყობაში დანაშაულებენ.
ამის შესახებ ინფორმაციას "ნოვაია გაზეტა" ავრცელებს, რომელმაც დაკავებული 18 ოპოზიციონერის სიაც გამოაქვეყნა.
ესენია არიან - პრეზიდენტობის კანდიდატები ვლადიმერ ნეკლიაევი, ანდრეი სანნიკოვი, გრიგორი კოსტუსევი, ალექსი მიხალევიჩი, ვიტალი რიმაშევსკი და ნიკოლაი სტატკევიჩი, ასევე დაკავებულია სანნიკოვის საპრეზიდენტო შტაბის პრეს-სპიკერი ალექსანდრ ატროშენკო, რიმაშევსკის ნდობით აღჭურვილი პირი პაველ სევერინეცი, საზოგადოებრივი ორგანიზაცია "ევროპული ბელორუსის" კოორდინატორი დიმიტრი ბონდარენკო, გაერთიანებული მოქალაქეთა პარტიის ხელმძღვანელი ანატოლი ლებედკო, საზოგადოებრივი ორგანიზაცია "ახალგაზრდა ფრონტის" თავმჯდომარე ანასტასია პოლოჟენკო, ნეკლიაევის საპრეზიდენტო შტაბის ხელმძღვანელი ანდრეი დმიტრიევი და მისი მეუღლე ტატიანა შაკალი, პოლიტოლოგი ალექსანდრ ფედუტა, მილიციის ყოფილი თანამშრომელი ალექსანდრ კლასკოვსკი და სანნიკოვი შტაბის ხელმძღვანელი ვლადიმირ კობეცი.
ასევე დაკავებულია ორი ჟურნალისტი - "ნოვაია გაზეტას" კორესპონდენტი ირინა ხალიპი და საიტის "ქარტია 97"-ს ჟურნალისტი ნატალია რადინა.
ყველა დაკავებული ბელორუსის უშიშროების წინასწარი დაკავების იზოლატორშია მოთავსებული.
რუსული მედიის ინფორმაციით, დაკავებულები სასტიკად არიან ნაცემები და უმეტესობა მათგანს თავისქალის ტრამვა აღენიშნება.
დაკავებულებს ადგილობრივი სისხლის სამართლის კოდექსის მიხედვით 3-დან 10 წლამდე პატიმრობა ემუქრებათ.
