ისრაელის პრემიერ-მინისტრმა ბენიამინ ნეთანიაჰუმ განაცხადა, რომ „ჰამასი“ პასუხისმგებელია ღაზას სექტორში მშვიდობიანი მოსახლეობის უსაფრთხოებაზე, მათ შორის ისრაელელ მძევლებსა და პალესტინელებზე.
გერმანიის კანცლერ ოლაფ შოლცთან ერთობლივ პრესკონფერენციაზე საუბრისას ნეთანიაჰუმ მსოფლიოს „ჰამასის“ დამარცხებისკენ მოუწოდა.
„ჰამასი“ ახალი ნაცისტები არიან. ჰამასი არის «ისლამური სახელწმიფო“, ზოგიერთ შემთხვევაში უარესი, ვიდრე ის. როგორც მსოფლიო გაერთიანდა ნაცისტების და „ისლამური სახელმწიფოს“ დასამარცხებლად, მსოფლიო უნდა გაერთიანდეს ისრაელის გარშემო, «ჰამასის“ დასამარცხებლად. ეს არის ირანის, ჰეზბოლას და ჰამასის ბოროტების ღერძი“, - განაცხადა ნეთანიაჰუმ.
„მათი ღია მიზანია ისრაელის სახელმწიფოს განადგურება. მისი მიზანია, რაც შეიძლება მეტი ებრაელის მოკლას. ისინი მოკლავდნენ თითოეულ ჩვენგანს რომ შეეძლოთ“, - განაცხადა ისრაელის პრემიერმა.
