„დიახ, პრეზიდენტ სააკაშვილთან ერთად ვაპირებთ ამ ქვასროლია „პუტინისტებს“ კუდით ქვა ვასროლინოთ - თუ უნდა ჩავსულიყავი 150 სოფელში, ახლა ჩავალ 240-ში, არაფრის გვეშინია!“ - ამის შესახებ“ერთიანი ნაციონალური მოძრაობის” თავმჯდომარემ ლევან ხაბეიშვილმა განაცხადა.
მან საგარეჯოში მიმდინარე მოვლენებთან დაკავშირებით ბრიფინგი გამართა.
ლევან ხაბეიშვილმა ბრიფინგზე მოიტანა ქვები, რომლებიც მისი პარტიის წევრებსა და მხარდამჭერებს მათთან დაპირისპირებულმა ჯგუფებმა ესროლეს.
„ეს არის ის ნივთი, რითაც უპირისპირდება რუსული პარტია ქართველ ხალხს, მათ არ ადარდებთ არც პენსიონერები, არც ქალბატონები, არც ახალგაზრდები, ამ ქვებით, რომლებსაც პირდაპირ ეთერში ხედავთ, საგარეჯოდან არის წამოღებული „რუსული ოცნების“ მიერ ნასროლი და ამ ქვებს ესროდნენ პენსიონერებს. დღეს ჩვენ პენსიონერებს შევხვდით და დავპირდით, რომ 398 000 პენსიონერს, რომელსაც ძარცვავს ბიძინა ივანიშვილი საბანკო ოლიგარქიით და 1500 ლარიან 1000 ლარიან სესხებში ახდევინებს 3000-4000 ლარს პენსიონერებს და ჯამში 2022 წლის მონაცემებით ეს არის 345 მილიონი ლარი ჩვენ ამას თავიდან ბოლომდე გავუნულებთ პენსიონერებს, რომელთა დიდ უმრავლესობას ძირი თანხა უკვე აქვს დაფარული და პროცენტებს ახდევინებენ უკვე რამდენიმე წელია და პირდაპირი მნიშვნელობით აყაჩაღებენ. ევროკავშირის არცერთ ქვეყანაში ასეთი ყაჩაღობა პენსიონერის მიმართ არ ხორციელდება და ამ ქვებს დღეს პენსიონერებს ვინ ესროდა? ისე უნდათ წარმოაჩინონ, რომ ხალხია და რა ხალხი, ესენი არიან ბიძინა ივანიშვილის მიერ დაქირავებული „ტიტუშკები“. ამის შემდეგ ზონდერი კი არ უნდა ვუწოდოთ, არამედ - "ნასეტკა" ნომერი 1 - საგარეჯოს საკრებულოს თავმჯდომარის მოადგილე ლექსო იოსელიანი, რომელიც დღეს იყო ორგანიზატორი ქვებსი სროლის. "ნასეტკა" ნომერი 2- ვანო ბეჟიაშვილი - საგარეჯოს საკრებულოს „ოცნების“ ფრაქციის თავმჯდომარე, ნასეტკა ნომერი 3- ვეფხია უსტიაშვილი - საგარეჯოს საკრებულოს სპორტისა და ახალგაზრდობის კომისიის თავმჯდომარე, ახალგაზრდა რუსი პუტინისტი, ღარიბაშვილის გაგრძელება. "ნასეტკა" ნომერი 4 - ირაკლი რუაძე - საგარეჯოს საკრებულოს წევრი, ეს ოთხი ადამიანი, ვისი იდენტიფიცირებაც მოვახდინეთ ესენი არიან. თქვენ ასევე ნახეთ, რომ იქ იყო ფიზიკური ანგარიშსწორება, ჩვენ არაფრის არ გვეშინია და მოვუწოდებთ საზოგადოებას კარგად დაფიქრდნენ რა ძალასთან გვაქვს საქმე. ეს ადამიანები არ გვაცდიან მოქალაქეებთან, პენსიონერებთან, ახალგაზრდებთან შეხვედრას, ეს ხალხი გადასულია ძალადობაზე და ეს არის ბოლო ჟამი და ეს ბოლო ჟამი დადგა მას შემდეგ და ეს ისტერიკა დაიმართეს მას შემდეგ, რაც მთავარმა ანტიპუტინისტმა - პრეზიდენტ სააკაშვილმა გააკეთა განცხადება, რომ ის ერთვება პოლიტიკაში და დიახ, პრეზიდენტ სააკაშვილთან ერთად დავამარცხებთ ამ რუსებს. მინდა ყველამ კარგად იცოდეს, რომ გააგრძელებინათ შეხვედრებს რისიც ასე ეშინიათ და თუ უნდა ჩავსულიყავი 150 და 160 სოფელში, ქალაქში და რაიონში, ჩავალ 240-ში, ყველგან გელოდებით.“ - განაცხადა ლევან ხაბეიშვილმა.
