"ნაციონალური მოძრაობის" გენერალური მდივნისა და საპარლამენტო უმრავლესობის ერთ-ერთი ლიდერის ზურაბ მელიქიშვილის შეფასებით, "ვარდების რევოლუციამ" საქართველოს, როგორც სახელმწიფოს ჩამოყალიბებას ჩაუყარა საფუძველი.
"23 ნოემბერი, "ვარდების რევოლუციის" დაბადების დღე არაა ის თარიღი, რომელიც მხოლოდ ნაციონალურმა მოძრაობამ უნდა აღნიშნოს. ეს მთელი საქართველოსთვის საზეიმო თარიღია. "ვარდების რევოლუციამ" საქართველოს, როგორც სახელმწიფოს ჩამოყალიბებას ჩაუყარა საფუძველი", - განუცხადა მელიქიშვილმა "ჯი-ეიჩ-ენს".
რაც შეეხება იმას, აპირებს თუ არა "ნაციონალური მოძრაობა" "ვარდების რევოლუციის" 6-წლისთავის აღნიშვნას, მელიქიშვილმა უპასუხოდ დატოვა და მხოლოდ ის დასძინა, რომ 2003 წლის 23 ნოემბრიდან საქართველო ისტორიის ახალ ეტაპზე გადავიდა, რაც ნამდვილად საზეიმოა.
შეგახსენებთ, რომ ხვალ, 23 ნოემბერს, "ვარდების რევოლუციიდან" 6 წელი სრულდება.
