რუსეთ-საქართველოს ომის დროს გორში აფეთქებული ხიდი აღდგენილია.
ხიდი ექსპლუატაციაში დღეს შევიდა. მის საზეიმოდ გახსნას გზების დეპარტამენტის ხელმძღვანელი რამაზ ნიკოლაიშვილი და შიდა ქართლის გუბერნატორი ლადო ვარძელაშვილი ესწრებოდნენ.
"ხიდი ხელისუფლებამ გორის მოსახლეობას გიორგობის დღესასწაულთან დაკავშირებით აჩუქა", - განაცხადა ნიკოლაიშვილმა.
რუსების მიერ აფეთქებული ხიდის შეკეთება 2,5 მლნ ლარი დაჯდა.