რუსეთის არმიას შეუძლია, გაანადგუროს კიევის ცენტრალური ნაწილი, მაგრამ ამას არ აკეთებს სხვადასხვა მიზეზის გამო, – ამის შესახებ რუსეთის პრეზიდენტმა, ვლადიმერ პუტინმა, პეტერბურგის ეკონომიკურ ფორუმზე განაცხადა.
მისი თქმით, თავდასხმები ბელგოროდზე ეს არის რუსეთის პროვოცირების მცდელობა საპასუხო ქმედებებისკენ.
„კრემლის, პრეზიდენტის რეზიდენციისთვის ზიანის მიყენების მცდელობები, თავდასხმები ბელგოროდის რაიონზე და მეზობელ რეგიონებზე, ეს ყველაფერი არის რუსეთის პროვოცირების მცდელობა საპასუხო ქმედებებისკენ. თუ ჩვენ გავანადგურეთ „პატრიოტის“ ხუთი კომპლექსი კიევის მახლობლად, მაშინ ადვილად შეგვიძლია, გავანადგუროთ ნებისმიერი შენობა კიევის ცენტრში. არ არსებობს შეზღუდვები ამისთვის. მაგრამ ჩვენ ამას არ ვაკეთებთ მრავალი მიზეზის გამო“, – აღნიშნა ვლადიმირ პუტინმა.
