ლაჩინის დერეფანში აზერბაიჯანის უკანონო საკონტროლო-გამშვები პუნქტის არსებობამ, ელექტროენერგიისა და ბუნებრივი გაზის მიწოდების დაბლოკვამ, რომელიც უკვე 6 თვეა გრძელდება, უკიდურესად გაამწვავა ჰუმანიტარული ვითარება მთიან ყარაბაღში. ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა.
„თუ კი გასული თვის განმავლობაში აზერბაიჯანი პროპაგანდისტული მიზნით უზრუნველყოფდა გარკვეულ გამტარიანობას ლაჩინის დერეფნით წითელი ჯვრის საერთაშორისო კომიტეტისა და რუსი მშვიდობისმყოფელების მეშვეობით, გუშინდელი დღის შემდეგ ეს შეწყვეტილია. ასევე შეწყდა ყარაბაღში პირველადი საჭიროების პროდუქტების შეტანა.
ყარაბაღში არ შედის პროდუქტები, აკრძალულია მოქალაქეების გადაადგილება, რომლებსაც ესაჭიროებათ გადაუდებელი სამედიცინო დახმარება, ლაჩინის დერეფნის გავლით. ეს ქმედებები კიდევ ერთხელ ადასტურებენ ჩვენს შიშებს იმასთნ დაკავშირებით, რომ აზერბაიჯანი ატარებს ეთნიკური წმენდის პოლიტიკას მთიან ყარაბაღში“, - განაცხადა ფაშინიანმა.
მისი თქმით, საუბარია არა შეშფოთებაზე, არამედ მოქმედებების დაწყებაზე. „კიდევ რა შეიძლება იყოს ეთნიკური წმენდა? აკრძალულია სურსათის, გაზის, ელექტროენერგიის მიწოდება მთიანი ყარაბაღის სომხებისთვის, ადამიანები, რომლებიც ასრულებენ სასოფლო-სამეურნეო სამუშაოებს, ექცევიან პირდაპირი ცეცხლის ქვეშ, მათ არ შეუძლიათ თავისუფლად გადაადგილება“, - განაცხადა ფაშინიანმა.
ფაშინიანმა აღნიშნა, რომ სომხური მხარე კვლავ საუბრობს სტეპანაკერტსა და ბაქოს შორის დიალოგის აუცილებლობაზე საერთაშორისო მექნიზმების ფარგლებში, რომელიც მიმართული იქნება მთიანი ყარაბაღის სომეხი ეროვნების ადამიანების უფლებების დაცვისა და უსაფრხთოებისაკენ.
