საფრანგეთმა უკრაინაში გამომძიებლებისა და ექსპერტების ორი ჯგუფი გაგზავნა, რომლებიც სისხლის სამართლის საერთაშორისო სასამართლოსთვის რუსეთის მიერ ჩადენილი დანაშაულების მტკიცებულებებს შეაგროვებენ. ამის შესახებ უკრაინულ მედია საფრანგეთის საგარეო საქმეთა სამინისტროზე დაყრდნობით წერს.
პირველი ჯგუფი ფოკუსირებული იქნება დანაშაულებზე, რომლებიც მოიცავს გარემოსთვის სერიოზული ზიანის მიყენებას.
ამის გარდა, საფრანგეთი აგზავნის სისხლის სამართლის საერთაშორისო სასამართლოს პროკურორის ოფისის ეგიდით ტექნიკური ექსპერტების ჯგუფს. მისიამ უნდა შეაგროვოს ზიანის მტკიცებულებები, რომელიც სამოქალაქო ობიექტებს მიადგა.
ჯგუფების მუშაობას საფრანგეთის ევროპის საკითხებისა და საგარეო საქმეთა სამინისტრო აფინანსებს.
