უკრაინის შინაგან საქმეთა სამინისტროს ინფორმაციით, კახოვკის ჰიდროელექტროსადგურის აფეთქების შედეგად მსხვერპლთა რაოდენობა გაიზარდა. ბოლო მონაცემებით, ხერსონის ოლქში დაღუპულია 5 ადამიანი.
35 ადამიანი უგზო-უკვლოდ დაკარგულად არის მიჩნეული, მათ შორის 7 ბავშვია.
ხერსონის ოლქში კაშხლის ნგრევის შემდეგ წყალდიდობის შედეგად დატბორილია 46 დასახლებული პუნქტი, ხოლო მიკოლაივის ოლქში - 31 დასახლება.
6 ივნისს, გამთენიისას, „სამხრეთის“ ოპერატიულმა სარდლობამ და ხერსონის ოლქის ადმინისტრაციამ განაცხადეს, რომ რუსმა ოკუპანტებმა კახოვკის ჰიდროელექტროსადგურის კაშხალი ააფეთქეს. ჰესი მთლიანად განადგურებულია და აღდგენას აღარ ექვემდებარება.
