უკრაინელი სამხედროების განცხადებით, დონეცკის ოლქის დასახლებული პუნქტი ბლაგოდატნოე გაათავისუფლეს. 68-ე ცალკეული ბრიგადის ჯარისკაცები სოციალურ ქსელში აქვეყნებენ ინფორმაციას, რომ უკრაინის ძალების ქვედანაყოფებთან ერთად გათავისუფლებულია ბლაგოდატნოე.
სამხედროები აღნიშნავენ, რომ რუსი ოკუპანტები უკანასკნელ წამამდე იბრძოდნენ, მაგრამ მათ წნეხს ვერ გაუძლეს.
სოციალურ ქსელში გამოქვეყნებულ ვიდეოკადრებშ ჩანს, რომ სამხედროები ნახევრად დანგრეულ შენობაში შედიან და იქ უკრიანის დროშას ამაგრებენ.
ბლაგოდატნოე დასახლება ველიკაია ნოვოსიოლკას სიახლოვეს მდებაროებს, სადაც რუსული და უკრაინული წყაროების ინფორმაციით, გრძელდება უკრაინის შეიარაღებული ძალების შეტევა. ხსენებული დასახლებული პუნქტი დონეცკისა და ზაპოროჟიეს ადმინისტრაციული საზღვრის სიახლოვესაა განთავსებული.
