უკრაინის არმიამ ტაქტიკურ წარმატებებს მიაღწია ზაპოროჟიეს ოლქში, სადაც უკრაინის კონტრშეტევის საწყისი ეტაპი მიმდინარეობს. ამის შესახებ ნათქვამია ამერიკის ომის შემსაწავლელი ინსტიტუტის (ISW) ანგარიშში.
ექსპერტების თანახმად, 10 ივნისს უკრაინის ძალებმა ფრონტის სულ მცირე ოთხ მონაკვეთზე განახორციელეს შეტევა. კერძოდ, უკრაინის შეიარაღებულმა ძალებმა აქტიური მოქმედებები ჩატაარეს ლუჰანსკის ოლქის ბელოგოროვკის რაიონში. ბახმუტთან უკრაინულმა ქვედანაყოფებმა 1,4 კილომეტრიოთ წინ წაიწიეს. უკრაინულ ძალებს აქტიური სამხედრო მოქმედებები ჰქონდათ დონეცკისა და ზაპოროჟიეს ოლქების ადმინისტრაციულ საზღვარზე (ბოლშოი ნოვოსიოლკის რაიონში) და ზაპოროჟიეში ორეხოვოს რაიონში.
„10 ივნისს გამოქვეყნებული გეოლოკაციური კადრები, მიუთითებენ, რომ ზაპოროჟიეს ოლქის დასავლეთ ნაწილში უკრაინულმა ძალებმა ლოკალურ წარმატებებს მიაღწიეს კონტრეშეტევის დროს ორეხოვოდან სამხრეთ-დასავლეთითა და სამხრეთ-აღმოსავლეთით“, - აღნიშნულია ISW-ს ანგარიშში.
ექსპერტები აღნიშნავენ, რომ უკრაინული ძალების წარმატებების შესახებ დადასტურებული ინფორმაციების ფონზე, რუსი „სამხედრო ბლოგერები“ ამტკიცებენ, რომ რუსეთის ძალები ხსენებულ რაიონებში წარმატებით თავდაცვით ბრძოლებს აწარმოებენ უკრაინელების კონტრშეტევის წინააღმდეგ.
