10 ივნისის ღამეს ოდესის ოლქში უკრაინის საჰაერო თავდაცვამ მტრის „შაჰედის“ ტიპის 8 დრონი და ორი რაკეტა ჩამოაგდო.
უკრაინის თავდაცვის ძალების წარმომადგენლის ნატალია გუმენიუკის თქმით, რვავე „შაჰედი“, რომელიც რუსეთის საოკუპაციო ძალებმა ოდესის ოლქის წინააღმდეგ გაუშვა, ჩამოგდებულია. მისივე თქმით, ნამსხვრევები ერთ-ერთი საცხოვრებელი სახლის ბინას მოხვდა და ხანძარი გაჩნდა, დაიღუპა 3 ადამიანი.
როგორც გუმენიუკმა აღნიშნა, ამჟამად ცნობილია 26 დაშავებულის შესახებ, რომლებმაც სხვადახვა სახის დაზიანება აფეთქების ტალღის შედეგად მიიღეს. მათ შორის არის ორი ბავშვი და ერთი ორსული. ოკუპანტებმა ასევე სარაკეტო დარტყმა მიაყენეს ოდესის ოლქის სანაპიროს. თავდაცვამ ორი რაკეტა გაანადგურა, ერთი სანაპიროზე ჩავარდა, რომლის ნამსხვრევებმაც და აფეთქების ტალღამ საცხოვრებელი სახლები დააზიანა. დაიჭრა სამი ადამიანი.
