თეთრ სახლში აცხადებენ, რომ რუსეთი აძლიერებს ირანთან თავდაცვით თანამშრომლობას. თეთრი სახლში გაკეთებული განცხადებების თანახამდ, რუსეთმა ირანისგან ასობით საბრძოლო უპილოტო საფრენი თვითმფრინავი მიიღო, რომლებსაც ის უკრაინაში თავდასხმებისთვის იყენებს.
„ბოლო კვირებში რუსეთმა ირანული უპილოტო საფრენი აპარატები გამოიყენა კიევზე დარტყმების განსახორციელებლად და უკრაინელი ხალხის დასაშინებლად, როგორც ჩანს რუსეთ-ირანის სამხედრო პარტნიორობა ძლიერდება“, - განაცხადა თეთრი სახლის ოფიციალურმა წარმომადგენელმა ჯონ კირბიმ.
„ჩვენ ასევე შეშფოთებულები ვართ იმით, რომ რუსეთი მუშაობს ირანთან რუსეთის შიგნით ირანული უპილოტო საფრენი აპარატების წარმოებაზე“, - განაცხადა ჯონ კირბიმ.
კირბის განცხადებით, აშშ-ის აქვს ინფორმაცია, რომ რუსეთი ირანიდან იღებს მასალებს, რომლებიც საჭიროა ქარხნის ასაშენებლად დრონების წარმოებისთვის, რომელიც შესაძლოა, სრულად ჩაეშვას მომავლი წლის დასაწყისში, თათრეთში, ელაბუგის ეკონომიკურ ზონაში.
