ნაწილობრივ აღიარებულ კოსოვოს ქალაქ ზვეჩანში ნატო-ს სამშვიდობო მისიის 25 ჯარისკაცი დაშავდა სერბ დემონსტრანტებტან შეტაკებისას.
ნატო-ს მისიის განცხადებაში აღნიშნულია, რომ ნატო-ს ძალების იტალიური და უნგრული კონტინგენტის სამხედროები არაპროვოცირებული თავდასხმის სამიზნე გახდნენ და მიიღეს ტრავმები მოტეხილობებითა და აალებადი მოწყობილობების აფეთქების შედეგად.
იტალიის საგარეო საქმეთა მინისტრის, ანტონიო ტაიანის ცნობით, დაშავებულ სამხედროებს შორის 11 იტალიელია, სამი მათგანის მდგომარეობა საყურადღებოა.
სერბული მედიის ცნობით, ასევე სერბი დემონსტრანტების მხრიდან შეტაკებებისას 50-ზე მეტი ადამიანი დაშავდა. მათგან ერთი კრიტიკულ, ხოლო ორი მძიმე მდგომარეობაშია.
ზვეჩანში მდგომარეობა მას შემდეგ გამწვავდა, რაც ადგილობრივი სერბული პარტიის წევრებმა უარი თქვეს სამშვიდობო მისიის წარმონადგენლებს დამორჩილებოდნენ სა პოლიციელებისა და სამშვიდობოების კორდონი გაარღვიეს. მათ წინააღმდეგ გამოიყენეს ხმოვანი ყუმბარები.
გასულ კვირას ჩრდილოეთ კოსოვოს რამდენიმე მუნიციპალიტეტში შეტაკებები მოხდა, პოლიციამ ცრემსლადენი გაზი და წყლის ჭავლი გამოიყენა სერბი დემონსტრანტების წინააღმდეგ. ადგილობრივმა სერბებმა აპრილში გამართულ ადგილობრივ არჩევნებში მონაწილეობა არ მიიღეს და უარს ამბობენ მისი შედეგების აღიარებაზე.
