29 მაისის ღამეს, კიევის თავზე უკრაინის თავდაცვამ 40-ზე მეტი საჰაერო სამიზნე ჩამოაგდო.
კიევის სამხედრო ადმინისტრაციის ხელმძღვანელის სერჰი პოპკოს ცნობით, მტერმა „შაჰედის“ ტიპის დრონებთან ერთად კასპიის რაიონიდან კიევის მიმართულებით ფრთოსანი რაკეტებიც გაუშა. მისივე თქმით, თავდასხმა კომბინირებული იყო.
პოპკოს ინფორმაციით, საჰაერო თავდაცვის ძალების ძალისხმევით განადგურდა 40-ზე მეტი სამიზნე, უკრაინელმა სამხედროებმა კიევზე თავდასხმა აღკვეთეს.
კიევის მერის ვიტალი კლიჩკოს თქმით, უკრანიელი დამცველების პროფესიონალიზმის წყალობით, რუსეთის ძალების შეტევას ინფრასტრუქტურისა და სხვა ობიექტების დაზიანება არ მოჰყოლია, არ არიან დაშავებულები და დაღუპულები.
