გასულ ღამეს კიევში აფეთქებების ხმა ისმოდა. უკრაინის თავდაცვამ მტრის რაკეტა ჩამოაგდო. კიევის მერის ვიტალი კლიჩკოს ინფორმაციით, აფეთქება იყო დედაქალაქის გოლოსეევის რაიონში. მისივე ცნობით, უკრაინელმა სამხედროებმა კიევთან რაკეტა ჩამოაგდეს. ღამის განმავლობაში ისმოდა საჰაერო განგაშის ხმა.
გავრცელებული ცნობით, გოლოსეევის რაიონში რაკეტის ნამსხვრევები ჩამოცვივდა.
აფეთქება იყო კიევის პოდოლსკის რაიონშიც.
კლიჩკოს თქმით, სვიატოშინსკის რაიონში, სადაც ჭურვის ნამსხვრევები ერთ-ერთ შენობას მოხვდა, გაჩნდა ხანძარი, ასევე პოდოლსკის რაიონში ნამსხვრევების შედეგად დაზიანდა ერთსართულიანი კერძო სახლი. კლიჩკოს ცნობით, აფეთქებები იყო შევჩენკოს რაიონშიც.
