უნგრეთი, რომელმაც არაერთხელ დაარღვია ევროკავშირის კანონმდებლობა და ამიტომ შეეფერება ევროკავშირის საბჭოს თავმჯდომარის მოვალეობას, რომელიც მან როტაციით მომავალი წლის ზაფხულში უნდა დაიკავოს. ამის შესახებ ნათქვამია რეზოლუციის პროექტში, რომელიც ვეროპარლამენტმა მომავალ კვირაში უნდა განიხილოს. ამის შესახებ გამოცემა Euractiv იუწყება.
გამოცემის ცნობით, აღნიშნულ პროექტს მხარს უჭერს ევროპარლამენტის არა მხოლოდ სამი უმსხვილესი პარტია - ევროპის სახალხო პარტია, „სოციალისტებისა და დემოკრატების პროგრესული ალიანსი“ და ლიბერალური „ევროპის განახლება“(Renew Europe), ასევე „მწვანეებისა“ და მემარცხენეების ფრაქციები. გამოცემა აღნიშნავს, რომ დოკუმენტი არ არის იურიდიულად სავალდებულო, თუმცა აჩვენებს მორიგ უდიდეს პოლიტიკურ უთანხმოებას ბრიუსელსა და ბუდაპეშტს შორის.
უნგრეთი, რომლის სათავეშიც 2010 წლიდან პრემიერ ვიქტორ ორბანის მმართველი პარტიაა, ევროკავშირის საბჭოს თავმჯდომარე 2024 წლის ივლისში უნდა გახდეს.
ევროკავშირის საბჭოს თავმჯდომარის ამოცანებში შედის ამ ქვეყნის წარმომადგენლობის თანამშრომლობა ევროკავშირის სხვა ინსტიტუტებთან. თავმჯდომარე ქვეყანამ უნდა განიხლოს კანონების ტექსტები ევროპალამენტთან და შეათანხმოს ევროკომიასთან.
რეზოლუციის პროექტში ისმის საკითხი, როგორ შეძლებს უნგრეთი კეთილსინდისიერად შეასრულოს ამოცანები, იმის გათვალისწინებით, რომ ის არ იცავს ევროკავშირის კანონებს და უარყოფს მის ღირებულებებს.
ამასთან, უნგრეთის მთავრობის პრესსპიკერმა ზოლტან კოვაჩმა განაცხადა, რომ ევროდეპუტატები მიმართავენ მოძველებულ ბრალდებას, რომ უნგერთი არღვევს ევროკავშირის ძირითად პრინციებს და მათი აზრით, ამიტომ არ შეიძლება გახდეს თავმჯდომარე ქვეყანა. „მაგრამ ჩვენ ვიცით რეალური მიზეზი: მათ არ მოსწონთ უნგრეთის სამშვიდობო პოზიცია და ცდილობენ კონფლიქტში ჩაგვითრიონ“, - განაცხადა კოვაჩმა.
ბუდაპეშტმა რუსეთის მიმართ სანქციების დაწესებას მხარი არ დაუჭირა და უკრაინისთვის სამხედრო და ფინანსური დახმარების წინააღმდეგ გამოვიდა. „ჩვენ არ მივცემთ მათ წაგვართვან ეს შესაძლებლობა {ევროკავშირის საბჭოს თავმჯდომარეობა“} - განაცხადა უნგრეთის იუსტიციის მინისტრმა იუდიტ ვარგამ.
